د. بەشیر حەداد: لیژنەیەکی تایبەت بۆ بەدواداچوونی شایستە داراییەکانی جوتیاران پێک دەھێنرێت

د.بەشیر حەداد رایگه‌یاند: ھەڵوێستێکی جدیمان دەبێت سەبارەب بە خەرجکردنی شایستە داراییەکانی ساڵانی رابردووی جووتیارانی ھەرێمی کوردستان.

لە کۆبوونەوەی ئەمڕۆ چوارشەممە٢٠٢١/١/١٣، ئەنجومەنی نوێنەرانی عێراق کە دکتۆر بەشیر حەداد سەرۆکایەتی کۆبوونەوەی دەکرد و  تایبەت بوو بە پرۆژە یاسای بودجەی ساڵی ٢٠٢١ ، جێگری سەرۆکی ئەنجومەنی نوێنەران سەبارەت بە شایستە داراییەکانی جوتیاران رایگەیاند، ھەڵوێستێکی جدیمان دەبێت سەبارەب بە خەرجکردنی شایستە داراییەکانی ساڵانی رابردووی جووتیارانی ھەرێمی کوردستان و پارێزگاکانی نەجەف و موسڵ.

د.بەشیر حەداد ئاماژەشی بەوەدا کە سەرۆکایەتی ئەنجومەنی نوێنەران لیژنەیەکی تایبەت بۆ بەدواداچوونی شایستە داراییەکانی جوتیاران پێک دەھێنێت.