یه‌كه‌م گه‌شتی بارزگانی راسته‌وخۆ له‌نێوان ئیمارات و ئیسرائیل ده‌ستی پێكرد

ئه‌مڕۆ پێنج شه‌ممه‌ كۆمپانیای فڕۆكه‌وانی فلای دوبه‌ی یه‌كه‌م گه‌شتی بارزگانیی راسته‌وخوێ بۆ ته‌ل ئه‌بیب ده‌ستپێكرد.

دوای دوو مانگ له‌ ئاسییكردنه‌وه‌ی په‌یوه‌ندییه‌كانی نێوان ئیمارات و ئیسرائیل به‌سه‌رپه‌رشتی ئه‌مریكا،كۆمپانیای فڕۆكه‌وانی فلای دوبه‌ی، یه‌كه‌م گه‌شتی بارزگانیی راسته‌وخوێ بۆ ته‌ل ئه‌بیب ده‌ستپێكرد.

له‌مباره‌یه‌وه‌ وته‌بێژ به‌ناوی فڕۆكه‌خانه‌ی دوبه‌ی كه‌ یه‌كێكه‌ له‌گه‌وره‌ترین فڕۆكه‌خانه‌كانی جیهان به‌ رۆیته‌رزی راگه‌یاندووه‌ كه‌ به‌ره‌به‌یانی ئه‌مڕۆ پێنج شه‌ممه‌ فڕۆكه‌یه‌ك به‌ره‌و ته‌ل ئه‌بیب هه‌ڵساوه‌و گه‌شته‌كه‌ نزیكه‌ی چوار كاتژمێر ده‌خاێنێت.

وه‌رگێڕان و داڕشتنه‌وه‌ی / رزگار