سارا عومه‌ر نووسه‌رى لێهاتووى كورد خه‌ڵاتى ئه‌ده‌بى لۆرياڵى زێڕينى پێبه‌خشرا

له‌ شارى كوپنهاگنى وڵاتى دانيمارك خه‌ڵاتى ئه‌ده‌بى لۆرياڵى زێڕين ((The Golden Laurel ى پێبه‌خشرا

سارا عومه‌ر نووسه‌رى لێهاتووى كورد له‌ شارى كوپنهاگنى وڵاتى دانيمارك خه‌ڵاتى ئه‌ده‌بى لۆرياڵى زێڕين ((The Golden Laurel ى پێبه‌خشرا.


سارا يه‌كه‌مين نووسه‌رى په‌ناهه‌نده‌ و گه‌نجترين نووسه‌ره‌ تا ئێستا بوبێت به‌ خاوه‌نى ئه‌م خه‌ڵاته‌، ئه‌و له‌ تۆڕى كۆمه‌ڵايه‌تى خۆى له‌ ئينستگرام باس له‌ وه‌رگرتنى ئه‌م خه‌ڵاته‌ ده‌كات و ده‌ڵێت"خۆشحاڵم پێتان رابگەیێنم، کە بەرواری 18ی نۆڤێمبەر لە شاری کۆپنھاگن لە وڵاتی دانیمارک خەڵاتی ئەدەبی ”لۆریاڵی زێڕین“، The Golden Laurel.م پێبەخشرا.

ktv

ئەمە ئەدەبى دانیمارکییە، کە ساڵی ١٩٤٩ دامەزرێندراوە، ھەموو ساڵێکیش بە یەکێک لە نووسەرەکانی وڵاتی دانیمارک دەبەخشرێت، ئه‌ەو لیژنەیەی بڕیار لەسەر بەخشینی خەڵاتەکە دەدات پێکھاتوون لە رەخنەگرانی ئه‌دەبی و خاوەن کتێبخانەکانی ئه‌و وڵاتە، ئه‌مانە خەڵاتەکە بە کتێبێک دەبەخشن، کە ئاستێکی ئه‌دەبی بەرزی ھەبێت و سەرنجی رەخنەگران و خوێنەرانی بەلای خۆیدا راکێشابێت، نووسەری براوە کەسێکە زۆرترین خوێنەری ھەبووە و کتێبەکە بە شێوەیەکی بەربڵاو بەناو کۆمەڵگه‌دا بڵاوبۆتەوە، زۆرێک لە نووسەرە گەورەکانی دانیمارک ئه‌م خەڵاتەیان بردۆتەوە و ھەر نووسەرێکیش دەتوانێت یەکجار لە ژیانیدا ئه‌م خەڵاتە وەربگرێت، من کە ئه‌م خەڵاتەم وەرگرت یەکەمین نووسەرێکم، کە پاشخانێکی کوردی و خۆرھەڵاتی ناوەڕاستم ھەیە. بەر لەمن ئه‌و خەڵاتە بە کەسێکی ھەڵگری ئه‌و پاشخانە نەدراوە.

ktv

ھەروەھا یەکەمین نووسەرێکی پەناھەندەم، کە ئه‌م خەڵاتە وەربگرێت، وەک چۆن لە ھەمانکاتدا گەنجترین نووسەرێکم خەڵاتەکەم پێبەخشرابێت، بەبۆنەی وەرگرتنی ئه‌م خەڵاتەوە دەمەوێت جارێکی تر پێ لەسەر چەند بابەتێکی گرنگ دابگرم، وەک چۆن لە وتارەکەمدا لە شاری کۆپنھاگن باسمکرد.

لە لای من بەرگریکردن لە ئازادی نووسین و رادەربڕین بابەتی ھەرە گرنگی ئه‌م سەردەمەی ئێستامانە. ئه‌م ئازادییە لە ئێستادا لەژێر ھەڕەشەیەکی بەردەوام و ھەمەلایەندایە. نەک تەنھا لە خۆرھەڵاتی ناوەڕاستدا بەڵکو لەناو ئه‌وروپا خۆشیدا. باشترین نموونەیەک ئه‌م ھەڕەشەیەمان نیشانبدات سەربڕینی ئه‌و مامۆستا فەرەنسییە بوو لەسەر بەرگریکردن لە ئازادیی رادەربڕین و ھەوڵدان بۆ ناساندنی منداڵان بەم ئازادییە و فێرکردنیان، کە رێزی لێبگرن. من وەک نووسەرێک ناتوانم ھەرگیز بەرامبەر بەم ھێرشانه‌ و پەلامارە بێدەنگبم. ئه‌گەر رۆمانەکانی من مانایەکیان ھەبێت ئه‌وا لە بەرگریکردنییاندایە لەم ئازادییانە و لە رێگرتن لە سوکایەتیکردندا بە مرۆڤ، یان کورتکردنەوەی بۆ کەسێک کە خاوەنی را و بۆچوونی خۆی نەبێت و تەنھا گوێیەک بێت بۆ بیستن و دووبارەکردنەوەی قسە و بۆچوونی گەورەکانی".

بابه‌ته‌ پەیوەندیداره‌كان

نوێترین ڤیدیۆ

COVID-19
تووشبووان
104,964
گیان له‌ده‌ستدان
3,436
چاکبوونەوە
85,814
تووشبووان
607,587
گیان له‌ده‌ستدان
12,935
چاکبوونەوە
567,898
تووشبوون
94,572,376
گیان له‌ده‌ستدان
2,023,325
چاکبوونەوە
67,524,766