عێراق كار بۆ زیادكردنی داهاتی نانه‌وتی ده‌كات

ڕۆژنامەی سەباحی عێراقی ئاشکرایکردووە کە بەهۆی ڕێکارەکانی حکومەتەوە بۆ کۆنترۆڵکردنی دەروازە سنوورییەکان داهاتی دەروازە سنورییەکان زیادیکردووە و دەکرێت داهاتە نانەوتییەکان بەشێوەیەکی بەرچاو پشتیان پێببەسترێت.

ڕۆژنامەکە ئاشکرایکردووە، دوای جوڵاندنی دۆسیەکە و گرتنەبەری چەند رێکارێکی پێویست لەلایەن مستەفا کازمی سەرۆک وەزیرانی عێراق، داهاتی دەروازە سنوورییەکان بۆ نزیکەی پێنج هێندە زیادیکردوە و پلان هەیە زیاتر لە 25ی داهاتی گشتی عێراق لەو دەروازانە و داهاتە نا نەوتییەکانی دیکە پڕبکرێتەوە.

مەزهەر محەمەد ساڵح، راوێژکاری دارایی سەرۆک وەزیران بە رۆژنامەکەی راگەیاندووە: لەئێستادا داهاتی نا نەوتی پێنج بۆ حهوت کۆی گشتی داهاتی وڵات پڕدەکاتەوە، پلان هەیە ئاستی ئەو داهاتانە بگەیەندرێتە لهسهدا بیست و پێنج لەناویاندا باج و گومرگ و داهاتە فیدراڵییەکانی دیکە.

ئەوە لەکاتێکدایە دوێنێ مستەفا کازمی، سەرۆکوەزیرانی عێراق بڕیاریدا، بە داخستنی دەروازە سنورییە نافەرمییەکان، بە هۆکاری ئەوەی زیان بەر ئابوری وڵات دەگەیەنێت