Erbil 15°C پێنجشەممە 28 ئازار 11:54

مەکتەبی سیاسی پارتی: بە ئەرکی هەموو لایەکمانی دەزانین کە گیانی هاوبەشی و بەیەکەوەژیان پتەوتر بکەین

کوردستان TV
#7
100%

مەكتەبی سیاسی پارتی دیموكراتی كوردستان بەبۆنەی جەژنی لەدایك بوونی حەزرەتی محەمەد (درودی خوای لەسەربێ) په‌یامێكی پیرۆزبایی ئاراسته‌ی موسڵمانان كرد ئه‌مه‌ ده‌قه‌كه‌یه‌تی:
 
بەبۆنەی هاتنەوەی جەژنی لەدایك بوونی پێغەمبەری ئیسلام حەزرەتی محەمەد(درودی خوای لێبێت) گەرمترین پیرۆزبایی لە سەرجەم موسڵمانانی كوردستان و عیراق و جیهان دەكەین، ئومێدەوارین ئەو بۆنە پیرۆزە هەوێنی خێر و خۆشی و ئارامی و،  زیاتر چەسپاندنی گیانی برایەتی و  لێبووردەیی و تەبایی بێ و، گەلەكەمان بە هەموو پێكهاتەكانیەوە لە دەردەسەری و ناخۆشی بەدوور بێ بەتایبەتی لەو هەلومەرجە نەخوازراوەی قەیرانی تەندروستیدا.

لەو یادە پیرۆزەدا جەخت دەكەینەوە سەر پەیامی ئاشتەوایی كۆمەڵایەتی و هەماهەنگی نێوان پێكهاتە جیاجیاكانی كوردستان و، هەروەها بە ئەركی هەموو لایەكمانی دەزانین کە گیانی هاوبەشی و بەیەكەوەژیان پتەوتر بكەین بۆ خزمەتكردنی كۆمەڵگەی كوردستانیی و زیاتر برەودان بە خۆشگوزەرانی و ئاسوودەیی هاووڵاتیان و رەتكردنەوە و نەهێشتنی دووبەرەكی و توندڕۆیی و شەڕانگێزیی.

جارێكی دیكە یادی لەدایكبوونی پێغەمبەری مەزنمان حەزرەتی(محەمەد)درودی خوای لێبێت، لە گشت موسڵمانان و مرۆڤایەتی پیرۆز بێت.
 
مەكتەبی سیاسی
پارتی دیموكراتی كوردستان
11ـی رەبیعولئەوەلی 1442ـی كۆچی
28ـی10ـی2020ـی زایینی

كوردستان TV

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.