هەڵەبجە.. لە رووداوێکی هاتوچۆدا دوو ھاووڵاتیی گیانیان لەدەستدا و دووی دیكه‌ش برینداربوون

لە ئەنجامی وەرگەڕانی ئۆتۆمبێلێکی جۆری بی ئێم ده‌بلیو لەسەر رێگای سلێمانی ـ ھەڵەبجە، دوو ھاووڵاتیی گیانیان لەدەستدا. 

گوتەبێژی بەڕێوەبەرایەتی پۆلیسی پارێزگای ھەڵەبجە، موقەدەم بارزان عوسمان محەممەد رایگەیاند: لە ئەنجامی وەرگەڕانی ئۆتۆمبێلێکی جۆری بی ئێم ده‌بلیو لە نزیک گوندی قاجر سەر بە قەزای سەیدسادق له‌ پارێزگای هەڵەبجە، دوو ھاووڵاتیی گیانیان لەدەستدا. 

وتیشی، له‌ رووداوه‌كه‌دا دوو ھاووڵاتیی دیکەش برینداربوون و لەبەر سەختی برینەکانیان لە نەخۆشخانەی شەھید شەوکەت لە قەزای سەیدسادقەوە ڕەوانەی نەحۆشخانەی فریاکەوتنی سلیمانی کروان. 

ئاماژەی بەوەشکرد، لە بنکەی پۆلیسی سیروان پەڕاوی لێکۆڵینەوە بۆ رووداوەکە کراوەتەوە.