دەست بە جێبەجێکردنی رێککەوتنی وەزارەتی پێشمەرگە و بەرگریی عێراق دەکرێت

له‌کۆتایی ئەم مانگەدا


 نوێنەری ھەردوو وەزارەتی ناوخۆ و پێشمەرگە لە ژووری ئۆپەراسیۆنی بەغدا ڕایده‌گه‌ێنێت تا کۆتایی مانگ دوو ژووری سەرەکیی ھاوبەشی نێوان ھەرێم و بەغدا دروست دەکرێن و دواتر دەست بە جێبەجێکردنی رێککەوتنی نێوانیان دەکرێت لە ناوچە کوردستانییەکانی دەرەوەی ھەرێم.

لیوا عەبدولخالق تەڵعەت، به‌ ماڵپەڕی فەرمیی پارتی دیموکراتی کوردستان  راگه‌یاند دوای رێککەوتنی چەند رۆژی ڕابردووی نێوان ھەرێم و بەغدا لە بواری ئەمنیدا، بڕیارە لە کۆتایی ئەم مانگەدا دوو ژوری ھاوبەش لە ھەرێم و بەغدا دروست بکرێن و دواتر دەست بە کارەکانی دیکە بکرێت.

وتیشی ئەو رێککەوتنە، قۆناغ بە قۆناغ لە سنووری دیالە و کەرکووک و مووسڵ و مەخموور و گوێڕ و ناوچە کوردستانییەکان بە گشتی، جێبەجێ دەکرێت.