له‌ نزیك گوندێكی كه‌ركووك سێ هاووڵاتی كورد شه‌هیدكران

لە نزیک گوندی شۆگیر لە شارەدێی شوان سه‌ر به‌ كه‌ركووك، ژمارەیەك چەكدار تەقەیان لە ئۆتۆمبێلێك كرد، كه‌ سێ كه‌سی تێدابوو، هه‌رسێكیان شه‌هیدبوون.

سەرچاوەیەکی ئەمنی لە پۆلیسی کەرکووک بە کوردستان تیڤی راگەیاند کاتژمێر 11ی ئه‌مشەو لە نزیک گوندەی شۆگیر لە شارەدێی شوان سه‌ر به‌ پارێزگای کەرکووک سێ ھاووڵاتی کورد کەوا ئامۆزای یەکترن لەنێو ئۆتۆمبیلەیکەدا پێکەوە دەبن و دەسترێژی گولەیان لێ دەکرێت هه‌ر سێكیان دەکۆژرێن.

ئه‌و سەرچاوە ئه‌منیه‌ گوتیشی: پێ دەچێت کارەکە تێرۆرستی بێت و لێکۆڵینەوە بەردەوامە.