به‌ڵگه‌نامه‌یه‌كی نهێنی هه‌واڵگری پیلانێك بۆ لێدانی حكومه‌تی به‌غدا ئاشكرا ده‌كات

به‌ڵگه‌نامه‌یه‌كی نهێنی كه‌ له‌ هه‌واڵگری سه‌ر به‌پۆلیسی فیدراڵی ده‌رچووه‌، ئاشكرای كردووه‌ كه‌به‌مه‌به‌ستی به‌ئامانج گرتنی هێزه‌ ئه‌منییه‌كان و داموده‌زگاكانی حكومه‌ت ،كه‌سانێكی نه‌ناسراو هه‌وڵی ئه‌وه‌ ده‌ده‌ن كه‌ كامیراكانی چاودێری په‌كبخه‌ن.

له‌به‌ڵگه‌نامه‌كه‌دا هاتووه‌ كه‌ لایه‌نی نه‌ناسراو به‌دوای ئه‌و كه‌سانه‌ ده‌گه‌ڕێن كه‌ شاره‌زاییان له‌بواری كامیراكانی چاودێری هه‌یه‌، بۆ ئه‌وه‌ی به‌كاریان بێنن بۆ له‌كارخستنی كامیراكان.

به‌ڵگه‌نامه‌كه‌ كه‌ به‌نهێنی ده‌رچووه‌،ئه‌مه‌شی خستۆته‌ روو كه‌ ئامانج له‌  له‌كارخستنی كامیراكان، بۆ ئه‌نجامدانی كرده‌وه‌ی تاوانكاری و به‌ئامانج گرتنی هێزه‌ ئه‌منییه‌كان و داموده‌زگانی حكومه‌ته‌ له‌ به‌غدای پایته‌خت.

444

وه‌رگێڕان و داڕشتنه‌وه‌ی / رزگار

ژێده‌ر / شه‌فه‌ق نیوز