ل مێرسینێ پارێزگارێ دهوکێ تەکەز ل هەڤکاریا دوو لایەنە د ئالوگوریێن بازرگانیدا کر

ل باژارێ مێرسینێ لوتکەیا خاوەنکارێن هەرێما کوردستانێ، عێراق و تورکیا برێڤەچوو کو ل رێکەفتی ۱۷ێ ڤێ مەهێ تاکو ۲۲ مەهێ دێ بەردەوام بیت. ل هەرێما کوردستانێ پارێزگارێ دهوکێ و ئایدن مەعروف وەزیرێ هەرێم بو کارەبارێن پێکهاتەیان د حکومەتا هەرێما کوردستانێ و هەڤال ئەبوبەکر پارێزگارێ سلێمانیێ ئامادەبوون.

د ناڤا کونگرەیێدا د.عەلی تەتەر پارێزگارێ دهوکێ کوبوونەوە دگەل پارێزگارێ مێرسینێ و سەروکێ شارەوانیا مێرسینێ و سەروکێ ژورا بازرگانی و پێشەسازیا مێرسینێ و سەروکێ خاوەنکارێن مێرسینێ ئەنجامدا. دناڤا ڤان کوبوونەوەیاندا تەکەزی ل ئاسانکاری و هەڤکاریا دوو لایەنەکر کو هەردوو بازرگانێن هەرێما کوردستانێ و تورکیا بشێن بازرگانیەکا هەمەرەنگ د هەمی بواراندا بکەن، هەروەسا هیڤی خواست کو ئەڤ کونگرەیە ببیتە دەستپێکەکا باش کو بازرگانێن پارێزگەها دهوکێ ب شێوەیەکێ باشتر بەرهەمێن خویێن ناڤخوویی هەناردەیی بازارێن تورکیا بکەن و ببیتە دەرگەهەک بو باوەریەکا باشتر بو سەرمایەگوزارێن هەردوولا بو پێشڤەبرنا وەبەرهێنانێ ل هەرێما کوردستانێ و تورکیا.