یه‌ك به‌رمیل نه‌وتی خاوی برێنت به‌ 44 دۆلار و 24 سه‌نت مامه‌ڵه‌ی پێوه‌ كرا

دوێنێ نرخی یه‌ك به‌رمیل خاوی برێنت گه‌یشته‌ ٤٦ دۆلار و ٠٥ سه‌نت و به‌ ٤٤ دۆلار و ٤٣ سه‌نت رۆژه‌كه‌ی ته‌واو كرد. ئه‌مڕۆش له‌ كاتژمێر ٠٩:٠٨دا به‌ به‌راورد به‌ كاتی داخستن به‌ڕێژه‌ی له‌سه‌دا ٠،٤٢ نزمبوونه‌وه‌ی به‌خۆیه‌وه‌ دیت و به‌ ٤٤ دۆلار و ٢٤ سه‌نت مامه‌ڵه‌ی پێوه‌ كرا.

هه‌ر له‌و كاته‌دا یه‌ك به‌رمیل نه‌وتی خاوی جۆری رۆژئاوای تێكساس به‌ ٤١ دۆلار و ٤٣ سه‌نت فرۆشرا.

نزمبوونه‌وه‌ی نرخی نه‌وت كاریگه‌ری نه‌رێنی كرده‌ ئابووری ئه‌مریكا له‌ راپۆرتی "په‌رتووكی بێجی" بانكی ناوه‌ندی ئه‌مریكا بۆ مانگی ئاب.

له‌ زۆر ناوچه‌ی ئه‌مریكا گه‌شه‌ی ئابووری خاو بووه‌ته‌وه‌ و له‌ راپۆرته‌كه‌دا، ئاماژه‌ به‌وه‌ دراوه‌ كه‌ هێشتاش تێكڕای به‌كارهێنان به‌ به‌راورد به‌ كاتی پێش بڵاوبوونه‌وه‌ی ڤایرۆسی كۆرۆنای نوێ زۆر كه‌متره‌ و نیگه‌رانییه‌كانیش له‌باره‌ی كه‌می خواست له‌سه‌ر نه‌وت، كاریگه‌ری نه‌رێنی ده‌كاته‌ سه‌ر نرخی نه‌وت.