فلادمیر پوتین: له‌ چه‌ند رۆژى داهاتوو یه‌كه‌م پێكوته‌ى كۆرۆنا له‌ جیهان روسیا تۆمارى ده‌كات

موژده‌ و ئومێد به‌ هه‌موو مرۆڤایه‌تى ده‌دات

دواى چاوه‌ڕوانیه‌كى زۆرى جیهان روسیا یه‌كه‌م هه‌نگاوى بۆ دروستكردنى پێكوته‌ى دژه‌ ڤایرۆسى كۆڕۆناى كۆڤید 19ى به‌سه‌ركه‌وتوویى راگه‌یاند.

فلادیمیر پوتین سه‌رۆكى كۆمارى روسیاى فیدراڵ ئه‌مشه‌و  له‌ په‌یامێكى كورتیدا له‌  لاپه‌ڕه‌ى فه‌رمى خۆى له‌ تۆڕى كۆمه‌ڵایه‌تى فه‌یسبووك موژده‌ى سه‌ركه‌وتنى به‌ جیهان راگه‌یاند و روسیاى وه‌ك پاڵه‌وانى سه‌ركه‌وتووى جه‌نگى كۆرۆناى ناساند.

له‌ په‌یامه‌كه‌دا پوتین ده‌ڵێت: دواى هه‌وڵدانێكى بێووچان زانایانى روسیا توانیان پێكوته‌ى دژه‌ كۆرۆنا به‌سه‌ركه‌وتوویى تاقى بكه‌نه‌وه‌ و له‌ چه‌ند رۆژى داهاتوودا تۆمار ده‌كرێت و رایده‌گه‌یننن .
ئاماژه‌ى به‌وه‌شداوه‌ كه‌ ئه‌م پێكوته‌یه‌ ته‌نیا بۆ روسیا و میلله‌تى روسیا نییه‌ به‌ڵكو ئومێدێكه‌ بۆ هه‌موو مرۆڤایه‌تی له‌ سه‌رتاسه‌رى جیهان .

 پوتین له‌گه‌ڵ دۆزینه‌وه‌ى پێكوته‌ى دژه‌ كۆرۆنا یه‌كه‌م هه‌ڵدانى موشه‌كى بۆ بۆشاى ئاسمان بیر ده‌خاته‌وه‌ وه‌ك ئاماژه‌یه‌ك به‌ پێشره‌وى  رووسیا له‌ بواره‌ جیاجیاكانى دیكه‌ى زانستى .

ktv