جه‌ڵته‌ی چاو چییه‌؟

هۆكاره‌كان و نیشانه‌كانی جه‌ڵته‌ی چاو و چاره‌سه‌ری

جه‌ڵته‌ی چاو ناسراوه‌ به‌ته‌سكبوونه‌وه‌ یاخود گیرانی ده‌ماری سه‌ره‌كی له‌تۆڕی چاو و وه‌ستانی رۆیشتنی خوێن واده‌كات تۆڕی چاو له‌كار بوه‌ستێت به‌شێوه‌یه‌كی ته‌واوه‌تی یاخود لاوه‌كی و ده‌بێته‌ هۆی دروستبوونی په‌ڵه‌یه‌ك له‌نێو چاو.

هۆكاره‌كانی جه‌ڵته‌ی چاو:

- گیرانی ده‌ماره‌كانی تۆڕی چاو ، چونكه‌ چاو وه‌ك ته‌واوی ئه‌ندامه‌كانی دیكه‌ی له‌ش له‌كاره‌كانیدا پشت ده‌به‌ستێت به‌ گه‌یشتنی خوێنی پڕ له‌ئۆكسجین.

- له‌كاركه‌وتنی تۆڕی چاو به‌هۆی كه‌مبوونه‌وه‌ی گه‌یشتنی خوێنی هاتوو له‌مێشكه‌وه‌.

- كاتێك خوێن و ده‌رداوه‌كان دزه‌ ده‌كه‌نه‌ نێو تۆڕی چاو ده‌بنه‌ هۆی دروستبوونی په‌ڵه‌ و جه‌ڵته‌ی چاو.

نیشانه‌كانی جه‌ڵته‌ی چاو:-

هه‌ستكردن به‌له‌رینه‌وه‌ له‌ناو چاوه‌كان و ئاسته‌نگی له‌ بینایی.

- بوونی ئازار یاخود فشار له‌سه‌ر چاو.

- ناروونی له‌بینایی له‌هه‌ردوو چاو.

- له‌ده‌ستدانی بینایی له‌پڕ یاخود وورده‌ وورده‌.

چاره‌سه‌ری جه‌ڵته‌ی چاو:

چه‌ند رێگایه‌ك هه‌یه‌ بۆ چاره‌سه‌ری جه‌ڵته‌ی چاو به‌ئامانجی كه‌مكردنه‌وه‌ی ئه‌و زیانانه‌ی به‌ر تۆڕی چاو كه‌وتووه‌ ئه‌وانیش:

- به‌كارهێنانی ئه‌و ده‌رمانانه‌ی پزیشك دیاری ده‌كات بۆ توانه‌وه‌ی په‌ڵه‌ی خوێن و دوورخستنه‌وه‌ی له‌تۆڕی چاو و فراوانكردنی ده‌ماره‌كان.

-ئه‌نجامدانی پشكنینی پزیشكی و مامه‌ڵه‌كردنی باش له‌گه‌ڵ نه‌خۆشیه‌كانی دیكه‌ی وه‌ك شه‌كره‌ و نه‌خۆشیه‌كانی دڵ و به‌رزی كۆلیسترۆل.

- چاره‌سه‌ركردن به‌ له‌یزه‌ر ئه‌گه‌ر پێویست بكات.ده‌كرێت كه‌سی تووشبوو به‌جه‌ڵته‌ی چاو چاك بێته‌وه‌ و له‌هه‌ندێك حاڵه‌تدا كاریگه‌ری مه‌ترسیداری هه‌یه‌ له‌كاتی وه‌رنه‌گرتنی چاره‌سه‌ر له‌كاتی پێویستدا له‌وانه‌ كوێربوون و زیادبوونی ئازار و فشاری سه‌ر چاو.

 ژێده‌ر : راگه‌یاندنی ته‌ندروستی سلێمانی

بابه‌ته‌ پەیوەندیداره‌كان

نوێترین ڤیدیۆ

COVID-19
تووشبووان
36,556
گیان له‌ده‌ستدان
1,340
چاکبوونەوە
23,100
تووشبووان
290,309
گیان له‌ده‌ستدان
8,014
چاکبوونەوە
224,705
تووشبوون
29,206,669
گیان له‌ده‌ستدان
928,830
چاکبوونەوە
21,041,840