له‌مه‌ریوان كۆڵبه‌رێك گیانى له‌ده‌ستداو شه‌شی دیكه‌ش برینداربوون

له‌رووداوێكى هاتووچۆدا

 لە رووداوێکی هاتووچۆ لە نزیک سنووری مەریوان له‌كوردستانى ئێران 7 كۆڵبه‌ر بوونه‌ قوربانى

رێكخراوی هه‌نگاو بۆ مافه‌كانى مرۆڤ بڵاوی كرده‌وه‌ كه‌ دوێنێ پێنجشه‌ممه‌ 6 ى 8 ى 2020 ،  لە ڕێگای مەریوان بۆ گوندی دەرەناخی رووداوێکی هاتووچۆ بووە هۆی گیان له‌ده‌ستدانى كۆڵبه‌رێك و شه‌شی دیكه‌ش بریندار بوون

هه‌نگاو رایده‌گه‌ێنێـت ئه‌و كۆڵبه‌ره‌ى گیانى له‌ده‌ستداوه‌ به‌ناوی خالید غەفووری خەڵکی گوندی (باوە) و تەمەن 49 ساڵه‌

ده‌شڵێت 6 كۆڵبه‌ره‌كه‌ى دیكه‌ باری ته‌ندروستی دوویان ناجێگیره‌  تا  کاتی ئامادە کردنی ئەم هەواڵە ناسنامەی ئەو 6 کۆڵبەرە کە لەم رووداوە بریندار بوون  ڕوون نەبوەتەوە.


له‌كۆتایدا رێكخراوی هه‌نگاو بۆ مافه‌كانى مرۆڤ رایده‌گه‌ێنێت ، ئەم ڕووداوە لە نێوان ئۆتۆمبێلێکی جۆڕی پراید و و ئۆتۆمبێلێکی جۆری تویوتا هاتوەتە ئاراوە و سەرنشینەکانی پرایدەکە کۆڵبەر بوون و بە مەبەستی کۆڵبەری بەرەو سنوور چوون.

 

دارشتنه‌وه‌ى هه‌واڵ - شوان عه‌زیز