ل شێخان هەتا نها ژمارا توشبویان گەهشتیە 46 کەسان

هەر جهەکێ بازرگانی رێنمایێن تەندورستی جێ بەجێ نەکەتن دێ ب کوژمێ ئێک ملیون دیناران هێتە سزدان

ماوێ دوو هەڤتیانە نەخوشیا فایروسا کورونا ل سنورێ قەزا شێخان و دەشتا نەیناوا رو ل زیادبونێ کریە کو هەتا نها ژمارا توشبویان گەهشتیە 46 کەسان

نه‌خۆشخانا گشتى قه‌زا شێخان به‌ كوردستان تیڤى راگه‌هاند: كو هه‌تا نها و ژمارا بەرکەڤتیان گەهشتیە 178 کەس کو سەرجەمێ کەسانێت ل کەرەنتینێ گەهشتیە نیزیک 200 دوسەد کەسان

لسەر ڤێ ئێکێ ژی قەیمقامێ قەزا شێخان کومبونەکا بلەز دگەل تەڤایا سازیێن ئیداری کوم بو و چەندین بریارێین توند دەرئێخستن ل دیف بریارا ژمارە 6 یا وەزارەتا نافخو کو هەر جهەکێ بازرگانی رێنمایێن تەندورستی جێ بەجێ نەکەتن دێ ب کوژمێ ئێک ملیون دیناران هێتە سزدان

  هەروەها بریار ژی دان لسنورێ قەزایا شێخان و دەشتا نەیناوا نیزیک 10 جهێ گەشتیار دائێخستن ژبەر مەترسێن بەلاف بونا نەخوشیا کورونا و هەروەها تیمەکا هێزین ئەمنی ژی دێ چاف دێریا خالێن سنوری کەتن بتایبەت وان خالێن نیزیک پارێزگەها مووسل کو شێخان و دەشتا نەیناوا نیزیکە دگەل پارێزگەها مووسل داکو چ کەسەک ب رێکێن نەئاسایی دەربازی نافا سنورێ شێخان و دەشتا نەیناوا نەبن بتایبەت ئەو ئەو کەسێن دگەل سوپایێ عیراقێ کو چەندین جارە ب رێکێن نەئاسایی دەربازی سنورێ شێخان بووینە.