دواین زانیاری لەسەر تەقینەوەکانی لوبنان

سبەینێ وەک رۆژی ماتەمینی نیشتیمانی لە سەرانسەری لوبناندا ڕاگەیاندرا

بەپێی ئامارەکانی وەزارەتی تەندروستی لوبنان لە تەقینەوەکانی ئێواره‌ى ئه‌مرۆ سێشه‌ممه‌ تا ئێستا زیاتر لە 30 کەس گیانیان لەدەستداوە و 3000 کەسیش برینداربوون.


 میدیاکانی لوبنان بڵاویانکرده‌وە یەکێک لە کوژراوەکان نزار نەجاریان سکرتێری حزبی کەتائبی لوبنانە، كه‌ناوبراو له‌شوێنى ته‌قینه‌وه‌كان بووه‌ پاش بریندار بوونى دواتر گیانی له‌ده‌ستداوه‌  و هەروەها  راشیده‌گه‌یه‌نن باڵیۆزی کازاخستانیش  یەکێکە لە بریندارەکان.

میدیاکانی لوبنان ئاماژه‌ به‌وه‌ش ده‌كه‌ن كه‌ تەقینەوەکان زیانی زۆری بە بەشێکی  بەیروت گەیاندوە و سەدان باله‌خانه‌ی خاپورکردوە.


به‌شێك له‌میدیاكانیش باس له‌وه ده‌كه‌ن كه‌ تەقینەوەکان له‌ کۆگای چەک و تەقەمەنی حزبوڵای لوبنان بووە

له‌راگه‌یاندراوێكیشدا حەسەن دیاب سەرۆک وەزیرانی لوبنان سبەینێی وەک رۆژی ماتەمینی نیشتیمانی لە سەرانسەری  لوبناندا ڕاگەیاند.