به‌هۆی ته‌قه‌كردن له‌ كاروانێكی كۆڵبه‌ران پێنج كۆڵبه‌ر بریندار بوون

به‌هۆی ته‌قه‌كردن له‌ كاروانێكی كۆڵبه‌ران پێنج كۆڵبه‌ر بریندار بوون

به‌پێی هه‌واڵێكی ڕێكخراوی مافی مرۆڤی هه‌نگاو پێنج كۆڵبه‌ر له‌ سنووره‌انی نۆدشە، سەردەشت و ئورمیە به‌ ته‌قه‌ی ڕاسته‌وخۆی هێزه‌ چه‌كداره‌كانی ئێران بریندار كران.

هه‌روه‌ها ئێواره‌ی دوێنێ پێنجشەممە  هێزە چەکدارەکانی ئێران لە سنوری سۆما و برادۆستی ئورمیە تەقەیان لە کاروانێکی کۆڵبەران کردووە و سێ کۆڵبەر بە ناوەکانی “ڕۆشەن جەهانگیری، شەمزین ئەحمەدی و حیکمەت ئەحمەدی” بریندار کراون. ئەو سێ کۆڵبەرە بۆ پێراگەیشتنی پزیشکی رەوانەی ناوەندەی دەرمانی ئورمیە کراون.