له‌هه‌رێمی سیستان و بلوجستان هێرشكرایه‌ سه‌ر سوپای پاسدارانی ئێران

فه‌رمانده‌یه‌كی سوپای پاسداران برینداره‌

ده‌زگا راگه‌یاندنه‌كانی ئێران بڵاویانكردوه‌ كه‌ هێرشێك ئۆتۆمبێله‌كانی سه‌ر به‌ سوپای پاسدارانی ئێرانی له‌ ناوچه‌ی كۆرێن له‌ هه‌رێمی سیستان و بلوجستان كردۆته‌ ئامانج و به‌وهۆیه‌شه‌وه‌ فه‌رمانده‌یه‌كی سوپای پاسداران برینداربووه‌.

له‌مباره‌یه‌وه‌ فه‌دا حسێن مه‌له‌كی، نوێنه‌ری شاری زاهیدان له‌ په‌رله‌مانی ئێران رایگه‌یاند: ئه‌مڕۆ سێشه‌ممه‌ رێكخراوی سوپای عه‌دل، له‌كاتی تێپه‌ڕینی دوو ئۆتۆمبێڵی سه‌ر به‌ سوپای پاسداران، له‌ رێگای ته‌قاندنه‌وه‌ی دوو بۆمبه‌وه‌ ، هێرشێكیان ئه‌نجامداوه‌.

هه‌روه‌ها گوتی: له‌هێرشه‌كه‌دا هیچ كه‌سێك نه‌كوژراوه‌و ته‌نها فه‌رمانده‌یه‌كی سوپای پاسداران برینداربووه‌.

مه‌له‌كی، ئه‌و ده‌نگۆیانه‌شی ره‌تكرده‌وه‌ كه‌ باس له‌به‌دیل گرتنی چه‌ند ئه‌ندامێكی سوپای پاسداران ده‌كه‌ن.

 

وه‌رگێڕان و داڕشتنه‌وه‌ی / رزگار