سێ پزیشكی نه‌خۆشخانه‌ی له‌دایكبوون و منداڵانی سۆران تووشی ڤایرۆسی كۆڕۆنا بوون

نەخۆشخانەكه‌ داناخرێت

دوای تووشبوونی سێ پزیشک لەنەخۆشخانەی لەدایک بوونی مندالانی سۆران، بەڕێوەبەری نەخۆشخانەكه‌ داوا لەهاووڵاتیانی ناوچەکە دەکات، هەرکەسێک منداڵی نەخۆشە سەردانی نەخۆشخانەی ئاشتی بکات.

له‌ ڕاگه‌ێندراوێكدا به‌ڕێوه‌به‌ری نه‌خۆشخانه‌ی له‌دایكبوون و منداڵانی سۆران ڕایگه‌یاند: به‌هۆی تووشبوونی 3 پزیشكی نه‌خۆشخانه‌كه‌مان به‌ ڤایرۆسی كۆڕۆنا، له‌ ئێستادا ته‌نیا پێشوازی له‌و نه‌خۆشانه‌ ده‌كه‌ین كه‌ پێویستیان به‌ چاودێرییه‌.

ده‌شڵێت: بۆ پشكنین و دڵنیابوون له‌ ته‌ندروستی كۆرپه‌كانتان سه‌ردانی نه‌خۆشخانه‌ی ئاشتی بكه‌ن له‌ سۆران و پزیشکی تایبەت به‌ منداڵان لەوێ لەپێشوازیتان دەبێت.

ئاماژه‌ی به‌وه‌ش كردووه‌ نەخۆشخانەكه‌ داناخرێت و بەڵام بەڕەچاوکردنی تەواوی ڕێنمایەکان پێشوازی لەو کەسانە دەکەین کەپێویستیان بە چاودێری پزیشکی هەیە داواکاریشە لەهاولاتیان پابەندی ڕێنمایەکانی تەندروستی بن بۆ سەلامەتی خۆیان.