لە توركیا ئەمرۆ 19 تووشبووی دیکەی ڤایرۆسی كۆرۆنا گیانیان لەدەستدا

دووبارە ژمارەی تووشبووانی کۆرۆنا رووی لە بەرزبوونەوە کرد

وەزیری تەندروستیی تورکیا رایگەیاند، لە ماوەی 24 کاژێری رابردوودا 51000  و 198 پشکنینی ڤایرۆسی کۆرۆنا ئەنجامدراون و   1396 تووشبووی نوێی کۆرۆنا تۆمارکراون و 19 تووشبووی دیکەی ڤایرۆسەکەش گیانیان لەدەستداوە.

بەپێی ئەو ئامارانەی ، وەزیری تەندروستیی تورکیا فەخرەددین کۆجا خستوویەتیە ڕوو، ژمارەی مردووان بەهۆی ڤایرۆسی کۆرۆنا لەو وڵاتە گەیشتووەتە پێنج هەزار و 65 کەس، ژمارەی تووشبووانیش بە ڤایرۆسەکە بۆ 194 هەزار و 511 کەس بەرزبووەوە کە 963 لەو تووشبووانە لەژێر چاودێریی چڕدان.

هەر لە ماوەی 24 کاژێری رابردوودا هەزار و 492 تووشبووی کۆرۆنا چاکبوونەتەوە و بەگشتی تاوەکو ئێستا 167 هەزار و 198 تووشبوو لە باکووری کوردستان و تورکیا چاکبوونەتەوە.

ئەوە لەکاتێکدایە لە ماوەی رابردوودا  حکومەتی تورکیا هەنگاوی بەرەو ئاساییبوونەوە نا، دووبارە ژمارەی تووشبووانی کۆرۆنا رووی لە بەرزبوونەوە کرد، ئەمەش بووە هۆی دواکەوتنی کاتی ئاساییبوونەوە لەو وڵاتەدا.