Erbil 15°C سێشەممە 19 ئازار 14:39

نه‌ته‌وه‌ یه‌کگرتووه‌کان: بینینی رووداوه‌کانی توندوتیژی له‌ نیویۆرک مایه‌ی نیگه‌رانییه

بانگه‌وازی ئەنتۆنیۆ گوتیرێس بۆ به‌رپرسانی ئه‌مریكا له‌باره‌ی خۆپیشاندانه‌كان
کوردستان TV
100%

 سكرتێری گشتیی نه‌ته‌وه‌ یه‌كگرتووه‌كان، ئەنتۆنیۆ گوتیرێس: بینینی رووداوه‌كانی توندوتیژی له‌ نیویۆرك كه‌ ناوه‌ندی نه‌ته‌وه‌ یه‌كگرتووه‌كانه‌ و ‌میوانداری ئێمه‌ ده‌كات، مایه‌ی نیگه‌رانییه.


سكرتێری گشتیی نه‌ته‌وه‌ یه‌كگرتووه‌كان، ئەنتۆنیۆ گوتیرێس داوای له‌ به‌رپرسانی ئه‌مریكا كرد، سه‌نگینانه‌ مامه‌ڵه‌ بكه‌ن له‌باره‌ی ده‌ستوه‌ردان له‌و خۆپیشاندانانه‌ی كه‌ له‌ دوای گیانله‌ده‌ستدانی جۆرج فلۆید-ی ئه‌مریكی ره‌شپێست له‌و ولاته‌ ده‌ستی پێكردووه‌، كه‌ به‌هۆی توندوتیژی پۆلیسه‌وه‌ گیانی له‌ده‌ست دا.

ئەنتۆنیۆ گوتیرێس له‌ هه‌ژماری خۆی له‌ تویته‌ر، په‌یامێكی بڵاوكرده‌وه‌ و رایگه‌یاند ''بینینی رووداوه‌كانی توندوتیژی له‌ نیویۆرك كه‌ ناوه‌ندی نه‌ته‌وه‌ یه‌كگرتووه‌كانه‌ و‌ میوانداری ئێمه‌ ده‌كات، مایه‌ی نیگه‌رانییه.

سكرتێری گشتیی نه‌ته‌وه‌ یه‌كگرتووه‌كان، ئەنتۆنیۆ گوتیرێس راشیگه‌یاندووە ده‌بێت سكاڵاكان رابگه‌یه‌ندرێن و به‌شێوه‌یه‌كی ئاشتییانه‌ باس بكرێن و ده‌بێت به‌رپرسان سه‌نگین بن له‌ ده‌ستوه‌ردان له‌ خۆپیشاندانه‌كان. پێویسته‌ هه‌موومان ره‌گه‌زپه‌رستی ره‌تبكه‌ینه‌وه‌.

جیهان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.