سه‌رۆكى هه‌رێمى كوردستان پيرۆزبايى له‌ ئه‌ميرى كۆمه‌ڵى ئيسلامى كوردستان ده‌كات

سه‌رۆكى هه‌رێمى كوردستان په‌يوه‌ندييه‌كى ته‌له‌فۆنى له‌گه‌ڵ به‌ڕێز مامۆستا عه‌لى باپير ئةنجامدا

ئێواره‌ى ئه‌مڕۆ دووشه‌ممه‌ 1/6/2020 به‌ڕێز نێچيرڤان بارزانى، سه‌رۆكى هه‌رێمى كوردستان له‌ په‌يوه‌ندييه‌كى ته‌له‌فۆنيدا له‌گه‌ڵ به‌ڕێز مامۆستا عه‌لى باپير، ئه‌ميرى كۆمه‌ڵى ئيسلاميى كوردستان، پيرۆزبایی نۆزده‌هه‌مين ساڵيادى دامه‌زراندنى كۆمه‌ڵى ئيسلاميى كوردستانى له‌ به‌ڕێزيان و ئه‌نجومه‌نى سياسى و ئه‌ندامان و لايه‌نگران و جه‌ماوه‌رى كۆمه‌ڵى ئيسلاميى كوردستان كرد و هيواى سه‌ركه‌وتنى بۆ خواستن.

لاى خۆيه‌وه‌ به‌ڕێز مامۆستا عه‌لى باپير، سوپاس و پێزانينى خۆى و كۆمه‌ڵى ئيسلاميى كوردستانى‌ پێشكه‌ش به‌ سه‌رۆك نێچيرڤان بارزانى كرد بۆ پيرۆزبايى و به‌سه‌ركردنه‌وه‌كه‌ى.