مزگه‌وتی ئه‌قسا به‌ڕووی نوێژخوێناندا كرایه‌وه‌

فه‌رمانگه‌ی ئه‌وقاف داوای له‌ موسلمانان كردووه‌ پابه‌ندبن به‌ رێنماییه‌كانی خۆپارێزی

مزگه‌وتی ئه‌قسا له‌ شاری قودسی رۆژهه‌ڵات كه‌ ماوه‌ی دوو مانگ بوو به‌هۆی بڵاوبوونه‌وه‌ی ڤایرۆسی كۆرۆنای نوێ (COVID-19)وه‌ داخرابوو، دووباره‌ به‌ رووی نوێژخوێناندا كرایه‌وه‌.

به‌ره‌به‌یانی ئه‌مڕۆ یه‌كشه‌ممه‌ فه‌رمانگه‌ی ئه‌وقاف له‌ قودس، دووباره‌ كردنه‌وه‌ی مزگه‌وتی ئه‌قسای به‌ڕووی نوێژخوێناندا راگه‌یاند.

فه‌رمانگه‌ی ئه‌وقاف داواشی له‌ موسلمانان كردووه‌ كه‌ له‌ میانی ئه‌نجامدانی نوێژه‌كاندا له‌ مزگه‌وتی ئه‌قسا، پابه‌ندبن به‌ رێنماییه‌كانی خۆپارێزی.