له‌ رووداوه‌كه‌ی شه‌وی رابردووی هه‌ولێر 4 كه‌س گیانیان له‌ده‌ستدا

سەرنشینێکی دیکەش لە نێو ئۆتۆمبێلەكه‌ گیری خواردووە و نەتواندراوە دەربهێندرێت

لە دوو رووداوی هاتوچۆدا له‌ سنووری پارێزگای هه‌ولێر 5 هاووڵاتی گیانیان له‌ده‌ستدا. 

له‌مباره‌یه‌وه‌ فازڵ حاجی، وته‌بێژی هاتوچۆی هه‌ولێر راگه‌یاند، دره‌نگانی شه‌وی رابردوو، له‌ رێگەی گوند و ناحیه‌كانی ده‌وروبه‌ری هه‌ولێر لە ئەنجامی دوو رووداوی هاتوچۆ پێنج كه‌س گیانیان له‌ده‌ستداوه‌. 

رونیشیكردەوە، قوربانیانی رووداوەكانی هاتوچۆ زیارترن لە قوربانیانی پەتای كۆرۆنا، به‌جۆرێك ته‌نها له‌ ماوه‌ی شه‌ش كاتژمێردا له‌ رێگای گوند و ناحیه‌كانی ده‌وربه‌ری هه‌ولێر پێنج كه‌س گیانیان له‌ده‌ستداوه‌. 

فازڵ حاجی وتیشی، شه‌وی رابردوو له‌ رووداوێكی هاتوچۆ له‌سه‌ر رێگای هه‌ولێر - شه‌مامك شۆفێری پیكابێك كۆنترۆلی له‌ده‌ستداوه‌ و به‌هۆی ئه‌و رووداوه‌ هه‌ر چوار كه‌سی ناو پیكابه‌كه‌ گیانیان له‌ده‌ستداوه‌. 

گوتیشی، تەرمی چوار کەس گەیەندراوەتە نەخۆشخانە و سەرنشینێکی دیکەش لە نێو ئەو ئۆتۆمبێلە گیری خواردووە کە تووشی رووداوەکە بووە و نەتواندراوە دەربهێندرێت.