زێڕ لە بەرزوونەوەی نرخ شوێنی نەوت دەگرێتەوە

کۆرۆنا و نرخی نەوت هۆکارەکەن

پێچەوانەی نرخی نەوت زێڕ ئەم هەفتەیە بە شێوەیەکی خێرا و هەڵکشانێکی گەورەی تۆمارکرد.

لەگەڵ دەستپێکی یەکەمین ڕۆژی هەفتە لە کردنەوەی بۆرسەی دراو و نەوت و کانزاکان زێڕ لە بەرزبوونەوەی نرخ ڕیکۆردی شکاند و نرخەکەی بەشێوەیەکی خێرا بەرز بوویەوە.

بەبەراورد بە هەفتەی ڕابردوو هەر ئۆنسەیەک زێڕ 44 دۆلار بەرزبووەتەوە بەجۆرێک هەفتەی ڕابردوو هەر ئۆنسەیەکی زێڕ بە 1590 دۆلار مامەڵەی پێوەدەکرا، بەڵام سەرەتای ئەم هەفتەیە بەرز بوویەوە بۆ 1634 دۆلار.

ئەم بەرزبوونەوەی نرخی زێڕ سەرەڕای داخستنی بازاڕەکانی هەرێمی کوردستان بەڵام بازرگانانی زێڕ و زۆرێک لە سەرمایەداران لە کوردستان هێشتا لە مامەڵەکردن بەردەوامن بۆیە لە هەرێمی کوردستانیش نرخەکان بەهەمان شێوەی جیهان گۆڕانکاریان بەسەرداهات، بەجۆرێک لە هەفتەی ڕابردوو مسقاڵێک زێڕی عەیار 21 بە 279 هەزار دینار بوو ئێستا بە 286 هەزار دینارە مسقاڵێک زێری عەیار 18 بە 239 هەزار دینار بوو ئێستا بە 246 هەزار دینارە مسقاڵێک زێڕی عایار 24 یش بە 317 هەزار دینار بوو ئێستا بە 324 هەزار دینار مامەڵەی پێوە دەکرێت.

ئامادەکردن و پێداچوونەوەی - سیامەند کەریم

بابه‌ته‌ پەیوەندیداره‌كان

نوێترین ڤیدیۆ

COVID-19
تووشبوون
6,441,152
گیانله‌ده‌ستدان
380,265
چاکبوونەوە
2,946,617
تووشبووان
751
گیانله‌ده‌ستدان
10
چاکبوونەوە
434
تووشبووان
7,387
گیانله‌ده‌ستدان
235
چاکبوونەوە
3,508