وەزارەتی ناوخۆ: بەم نزیکانە بەیانێکی نوێی وەزاری دەردەکرێت بۆ دەستنیشانکردنی رێکارە نوێیەکان

هەتا راگەیاندنی بەیانی نوێ قەدەغەی هاتووچۆ بەم شێوەی ئێستا بەردەوام دەبێت

وه‌زاره‌تی ناوخۆی هه‌رێمی كوردستان سه‌ره‌ڕای سوپاس كردنی هاووڵاتیانی هه‌رێمی كوردستان راشیده‌گه‌یه‌نێت، هەتا راگەیاندنی بەیانی نوێ، قەدەغەی هاتووچۆ بەم شێوەی ئێستا بەردەوام دەبێت.  

له‌ راگه‌یه‌ندراوێكدا كه‌ وه‌زاره‌تی ناوخۆی هه‌رێمی كوردستان بڵاوی كرده‌وه‌، زۆر سوپاسی هاوڵاتیان دەکەین بۆ پابەندبوونیان بە رێنماییەکانی حکومەتی هەرێمی کوردستان بۆ بەرەنگاربوونەوەی پەتای کۆرۆنا. 

وەزارەتی ناوخۆ ئێستا خەریکی تاوتوێکردنی پێشنیارەکانی بەڕێز پارێزگار و سەرپەرشتیاری ئیدارە سەربەخۆکانە و بەم نزیکانە بەیانێکی نوێی وەزاری دەردەکرێت بۆ دەستنیشانکردنی رێکارە نوێیەکان، هەتا راگەیاندنی بەیانی نوێ، قەدەغەی هاتووچۆ بەم شێوەی ئێستا بەردەوام دەبێت.