له‌هێرشێكی چه‌كدارانی داعشدا چوار سه‌ربازی عێراق كوژران

دوای هێرشه‌كه‌ هێزێكی ئه‌منی ناوچه‌كه‌یان گه‌مارۆداوه‌

سه‌رچاوه‌یه‌كی ئه‌منی ئه‌مڕۆ یه‌ك شه‌ممه‌ رایگه‌یاند كه‌ چوار سه‌ربازی له‌ عێراق له‌ئاكامی هێرشێكی چه‌كدارانی داعش بۆ سه‌ر خاڵێكی سه‌ربازی له‌ رۆژئاوای رومادی كوژراون.

سه‌رچاوه‌كه‌ له‌ لێدوانێكیدا بۆ ماڵپه‌ری سۆمه‌رییه‌ نیوز گوتی: چه‌كدارانی رێكخراوی داعش ئه‌مرۆ هێرشیان كرده‌ سه‌ر خاڵێكی سه‌ربازی له‌ رۆژئاوای شاری روتبه‌ له‌ رۆژئاوای رومادی و له‌ ئاكامدا چوار سه‌رباز كوژراون.

گوتیشی: دوای هێرشه‌كه‌ هێزێكی ئه‌منی ناوچه‌كه‌یان گه‌مارۆداوه‌و ته‌رمی سه‌ربازه‌كانیشیان بۆ پزیشكی دادی گواستۆته‌وه‌.

وه‌رگێڕان و داڕشتنه‌وه‌ی / رزگار