پۆڵیسی هەڵەبجە: هاووڵاتیه‌ك تەقەمەنی پێدا تەقییەوە و گیانی لەدەستدا

بەهۆی دەستکاریکردنی

 

پۆلیسی پارێزگای هەڵەبجە رایگەیاند، ئێوارەی ئەمڕۆ شەممە لە شاخی شرامی سەر بە شارۆچکەی بیارە لە پارێزگای هەڵەبجە هاووڵاتیه‌ك بەهۆی دەستکاریکردنی تەقەمەنییەوە پێیدا دەتەقێتەوە و گیانی لەدەستدا.

ڕائید بارزان عوسمان، گوته‌بێژی به‌ڕێوه‌به‌رایه‌تی پۆلیسی پارێزگای هه‌ڵه‌بجه‌ ڕاگه‌یاند: ئیواره‌ی ئه‌مڕۆ شه‌ممه‌ ، له‌ شاخی شرامی سه‌ر به‌ شاره‌دێی بیاره‌ له پارێزگای هه‌ڵه‌بجه‌ ، به‌هۆی ده‌ستكاركردنی ته‌قه‌مه‌نی، كه‌سێكی دانیشتووی پاریزگای هه‌ڵه‌بجه‌، به‌ناوی (س.ع.م) گیانی له‌ ده‌ستدا.

پۆلیسی هه‌ڵه‌بجه‌ گوتیشی، پیشه‌ی كارمه‌ندی (MAG)ه‌ و تەرمەكەی ڕەوانە پزیشكی دادی هەڵەبجە كراو كەسێكی دیكه‌ش تەمەن 23 ساڵ دانیشتوی پارێزگای هەڵەبجە برینداربووە ڕەوانەی نەخۆشخانەی فریاكەوتنی سلێمانی كراوە پەڕاوی لیكۆڵینەوە بۆ رووداوەكە لەبنكەی پولیسی بیارە كراوته‌وه‌.