مەسرور بارزانی پەیامێک ئاراستەی هاووڵاتیانی هەرێمی کوردستان دەکات

داوا لە هاووڵاتیان دەکات لە ماڵەکانیان بمێننەوە


سەرۆکی حکومەتی ھەرێمی کوردستان له‌ دوو تویتی جیاوازدا له‌ تۆڕی كۆمه‌ڵایه‌تی تویته‌ر رایگەیاند: بەھۆی پیێشلکارییەکان و بەرزبوونەوەی ژمارەی تووشبووان بە کۆرۆنا قەدەغەی ھاتوچۆ درێژکراوەتەوە.

مەسروور بارزانی، سەرۆکی حکومەتی هەرێمی کوردستان لە پەیامێکدا کە لە توویتەر بڵاویکردووەتەوە نووسیوویه‌تی: بۆ ماوەی 48 کاتژمێر قەدەخەی هاتووچۆمان لە کوردستان سەپاند، پاش ئەوەی پابەندنەبوون بە رێنماییەکان زیادبووبوون.
 
سەرۆکی حکومەتی هەرێمی کوردستان داوا لە هاووڵاتیان دەکات لە ماڵەکانیان بمێننەوە و دەشڵێت، پابەندبوونتان زۆر گرنگە و دەبێت لە ماڵەوە بمێننەوە و نەیەنە دەرەوە.
 
مەسروور بارزانی ئاماژەی بەوە کرد، ئێمەی خەڵکی کوردستان ئاشناین بە دۆخە سەختەکان، هیوادارین بە کەمترین زیان سەر بکەوین و پێکەوە ئەم جەنگە ببەینەوە و گیانی هاووڵاتیانمان بپارێزین.

مەسرور بارزانی سەرۆکی حکومەتی ھەرێمی کوردستان دەڵێت: کوردستانیان نامۆ نین بە رووبەڕووبوونەوەی دۆخی سەخت، ئێستاش ھەموومان به‌یه‌كه‌وه‌ دەتوانین ژیانی ھەرچی زیاتر لە ھاووڵاتیان رزگار بکەین و تووشبووانیش خێراتر چاك ببنەوە، ئەم شەڕەش لە دژی کۆرۆنا ببەینەوە.