وەزارەتی تەندروسی هەرێمی کوردستان بانگەوازێک ئاڕاستەی هاووڵاتیان دەکات

ئەو هاووڵاتیانە ئاگادار دەکاتەوە کەوا پێشتر گەشتی دەرەوەیان کردوە لە 2/15 تاكو ئێستا

وەزارەتی تەندروسی هەرێمی کوردستان بانگەوازێک ئاڕاستەی هاووڵاتیان دەکات و رایدەگەیەنێت، ئەو هاووڵاتیانە ئاگادار دەکەنەوە کەوا پێشتر گەشتی دەرەوەی وڵاتیان کردوە لە 2/15 تا ئێستا جگە لەوانەی کەڕەنتین کراون یان پشکنینیان بۆ کراوە بەزوترین کات و بەپەلە پەیوەندی بە هێڵی گەرم ژمارە ١٢٢ یان سەنتەرەکانی کۆرۆنا بکەن.

بانگەوازێك لە وەزارەتی تەندروسیەوە ...

دوابەدوای بانگەوازی پێشوومان، ئاگاداری ئەو هاووڵاتیانە دەکەینەوە کەوا پێشتر گەشتی دەرەوەی وڵاتیان کردووە لە 2/15 تاوەکو ئێستا جگە لەوانەی کەڕەنتین کراون یان پشکنینیان بۆ کراوە بەزووترین کات و بەپەلە پەیوەندی بە هێڵی گەرم ژمارە ١٢٢ یان سەنتەرەکانی کۆڕۆنا بکەن بۆ پشکنینی تاقیگەیی.

دڵنیاتان دەکەینەوە تەنها بۆ پشکنین و بەرژەوەندی خۆتان و کەسوکارتانە بەپێچەوانەوە هەر هاووڵاتیەکی گەڕاوە لە دەرەوەی وڵات لە ماوەی دیاریکراودا پشکنینی تاقیگەی نەبێت ڕێککاری یاسایی بەرامبەر وەردەگیرێت.

وەزارەتی تەندروستی
حکومەتی هەرێمی کوردستان
30 ئازار 2020