Erbil 15°C سێشەممە 19 ئازار 12:16

له‌ بریتانیا پێشبینی ده‌کرێت 20 هه‌زار که‌س به‌هۆی ڤایرۆسی کۆرۆناوه‌ گیان له‌ده‌ست بده‌ن

كۆی رێژه‌ی گیان له‌ده‌ستدان گه‌یشتۆته‌ 1000 حاڵه‌ت
کوردستان TV
100%

ستیڤن پاویس،به‌رێوه‌به‌ری ده‌سته‌ی خزمه‌تگوزارییه‌كانی ته‌ندروستی نیشتمانی بریتانیا پێشبینی ئه‌وه‌ ده‌كات كه‌ 20 هه‌زار كه‌س به‌هۆی ڤایرۆسی كۆرۆناوه‌ گیان له‌ده‌ست بده‌ن.

پاویس له‌ لێدوانێكی رۆژنامه‌وانیدا رایگه‌یاند: وڵاته‌كه‌م به‌ڵایه‌كی گه‌وره‌ی له‌سه‌ر لاده‌چێت، ئه‌گه‌ر به‌كه‌متر له‌ مردنی 20 هه‌زار كه‌س به‌ ڤایرۆسی كۆرۆنا ده‌ربچێت.

هه‌روه‌ها گوتی: یه‌كه‌كه‌كانی چاودێری چڕ له‌ له‌نده‌ن هێشتا پڕنه‌بووه‌ و ده‌سته‌ی خزمه‌تگوزارییه‌كانی ته‌ندروستی نیشتمانی ،چه‌ندین ژووری بۆ نه‌شته‌رگه‌ری و حاڵه‌ته‌ خراپه‌كان ئاماده‌كردووه‌.

به‌گوێره‌ی دوایین ئاماره‌ فه‌رمییه‌كانی ئه‌م وڵاته‌ كه‌دوێنێ بڵاوكراوه‌ته‌وه‌، له‌24 كاتژمێری رابردوودا 260 حاڵه‌تی گیان له‌ده‌ستدان تۆماركراوه‌و كۆی رێژه‌ی گیان له‌ده‌ستدانیش گه‌یشتۆته‌ 1000 حاڵه‌ت، هه‌روه‌ها 17 هه‌زار 89 كه‌سیش هه‌ڵگری ڤایرۆسه‌كه‌ن .

وه‌رگێڕان و داڕشتنه‌وه‌ی / رزگار

 

RT

جیهان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.