له‌ سه‌دا 85 هاووڵاتیان پشتگیری له‌ هه‌نگاوه‌كانی حكومه‌تی هه‌رێمی كوردستان ده‌كه‌ن

ئه‌نجامه‌كانی راپرسییه‌كی رای گشتی له‌سه‌ر بڵاوبوونه‌وه‌ی ڤایرۆسی كۆرۆنا له‌ هه‌رێمی كوردستان راگه‌یه‌نرا

دوای بلاو بوونه‌وه‌ی ده‌نگۆی ڤایرۆسی كۆرۆنا له‌ ھه‌رێمی كوردستان و ده‌ركه‌وتنی چه‌ند حاله‌تێكی تووشبوو له‌ پارێزگاكانی هه‌رێمی كوردستان، بۆ ته‌شه‌نه‌ نه‌كردن و كۆنترۆلكردنی ئه‌م ڤایرۆسه‌ حكومه‌تی ھه‌رێم له‌ ١٤ ی ئه‌م مانگه‌ كۆمه‌لێك رێكاری راگه‌یاند بۆ به‌ره‌نگاربوونه‌وه‌ی ڤایرۆسی كۆرۆنا كه‌ كاریگه‌ری راسته‌وخۆی هه‌بوو له‌سه‌ر ته‌واوی كۆمه‌لگا و داوا له‌ هاووڵاتیان كرا له‌ مال ده‌رنه‌چن و زۆربه‌ی چالاكیه‌كان وه‌ستێنران. بۆ زانینی ڕا و بۆچوونی هاوولاتیان له‌سه‌ر ئه‌و رێكارانه‌ ده‌سته‌ی ئاماری هه‌رێمی كوردستان له‌ژێر چاودێری وه‌زاره‌تی پلاندانان بۆ یه‌كه‌م جار به‌شێوه‌ی Online ئه‌م راپرسییه‌ی ئه‌نجامدرا و له‌به‌رواری 24/3/2020 بۆ ماوه‌ی 48 كاتژمێر به‌رده‌وام بوو. مه‌به‌ست له‌ ئه‌نجامدانی ئه‌م راپرسیه‌ وه‌رگرتنی راوبۆچوونی هاولاتیانی هه‌رێمی كوردستانه‌ له‌سه‌ر ئه‌و بارودۆخه‌ ته‌ندروستی یه‌ نه‌خوازراوه‌ی رووی له‌ ناوچه‌كه‌ كردووه‌ و له‌لایه‌كی تره‌وه‌ ببێته‌ یه‌كێك له‌ رێنیشانده‌ره‌كان بۆ حكومه‌ت تاكو كاری له‌سه‌ر بكات.

بو وه‌رگرتنی زانیاری زیاتر سه‌ردانی ئه‌م لینكه‌ بكه‌ن.

http://krso.gov.krd/files/articles/280320074226.pdf?fbclid=IwAR0n3HS3bNPsPMBuGadVdG2mXk_7aj0G_Rf7BPrll2XBzopzzdmj_jM8GfM