Erbil 15°C سێشەممە 19 ئازار 07:59

بڕیار لە سەر درێژکردنەوە یان کۆتایهاتنی قەدەغەی هاتوچۆ دەدرێت

كۆبوونه‌وه‌یه‌ك به‌ ئۆنلاین به‌رێوه‌ده‌چێت
کوردستان TV
#7
100%

وەزیری ناوخۆ، کۆبوونەوەیەک لەگەڵ سەرجەم پارێزگار و سەرپەرشتیاری ئیدارە سەربەخۆکان ئەنجامبدات و بڕیار لە درێژکردنەوە یان کۆتایهاتنی قەدەغەی هاتوچۆ بدەن.

به‌پێی زانیارییه‌كانی كوردستان تیڤی، بڕیارە سبەینێ وەزیری ناوخۆی حکوومەتی ھەرێمی کوردستان، کۆبوونەوەی ئۆنلاین لەگەڵ پارێزگاری ھەولێر و سلێمانی و ھەڵەبجە و سەرپەرشتیاری ئیدارەکانی گەرمیان و ڕاپەڕین دەکات، بەمەبەستی درێژکردنەوەی ماوەی قەدەغەی ھاتوچۆ.

هەروەها هه‌ر سبەینێ ژووری ئۆپه‌راسیۆنەکانی پارێزگاکان هەریەکە بە جیا کۆببنەوە و هەڵسەنگاندن بۆ دۆخی شارەکان بکەن و پێشنیاری خۆیان بۆ کۆبوونەوە لەگەڵ وەزیری ناوخۆ ئامادە بکەن.

شایه‌نی باشه‌ سه‌رله‌ئێواره‌ی ئه‌مرۆ شه‌ممه‌، دكتۆر سامان به‌رزنجی وه‌زیری ته‌ندروستی حكوومه‌تی هه‌رێم له‌ تۆری كۆمه‌ڵایه‌تی فیسبووك نووسیوویه‌تی بەردەوامی قەدەغەی ھاتووچۆ و کەرەنتینکردنی بەرکەوتووان، بە ھەزاران ھاووڵاتی پاراستوە لە تووشبوون بە ڤایرۆسی کۆڕۆنا.

كوردستان TV

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.