ئه‌مریكا ژماره‌ی كارمەندانی باڵیۆزخانه‌كەی له‌ به‌غدا‌ كه‌م ده‌كاته‌وه‌

بالیۆزخانه‌ی له‌ عێراق داناخات

ئه‌مریكا بڕیاری دا ژماره‌یه‌ك له‌ كارمه‌ندانی له‌ باڵیۆزخانه‌ی وڵاته‌كه‌ی له‌ به‌غدا و كونسوڵخانه‌كه‌ی له‌ هه‌ولێر بكێشێته‌وه‌. 

به‌گوێره‌ی زانیارییه‌ به‌راییه‌كان ئه‌و بڕیاره‌ی ئه‌مریكا به‌هۆی بڵاوبوونه‌وه‌ی ڤایرۆسی كۆرۆنا و ره‌وشی ئه‌منی عێراقه‌وه‌ دراوه‌. 

له‌ به‌یاننامه‌یه‌كدا، باڵیۆزخانه‌ی ئه‌مه‌ریكا له‌ به‌غدا رایگه‌یاند: هه‌موو ئه‌و كارمه‌ندانه‌ی سه‌ره‌كی نین له‌ باڵیۆزخانه‌ی به‌غدا و كونسوڵخانه‌ی هه‌ولێر ده‌گه‌ڕێندرێنه‌وه‌ ئه‌مه‌ریكا. 

باڵیۆزخانه‌كه‌ روونیكردووه‌ته‌وه‌، له‌ باڵیۆزخانه‌ و كونسوڵخانه‌كه‌ی هه‌ولێردا مامه‌ڵه‌ی ڤیزا بۆ خوازیاران رایی ده‌كرێت.