خانمه‌ هونه‌رمه‌ندێكی كورد كۆچی دواییكرد

به‌ هۆی نه‌خۆشی شێرپه‌نجه‌

خانمه‌ هونه‌رمه‌ندی  كوردی كوردستانی رۆژهه‌ڵات گوڵزار محه‌ممه‌دی، به‌ هۆی نه‌خۆشی شێرپه‌نجه‌ له‌ شاری سنه‌  كۆچی دوایی كرد .

گوڵزار محه‌مه‌دی هونه‌رمه‌ندی شانۆی منداڵان و سه‌رۆكی ئه‌نجومه‌نی نمایشكارانی بووكه‌ڵه‌یی یانه‌ی شانۆ، دوێنێ یه‌كشه‌ممه‌ 8ی مارس له‌ شاری سنه‌ كۆچی دوایی كرد.

گوڵزار محه‌ممه‌دی كه‌سێكی ناسراو بوو له‌ شانۆی ئێراندا و له‌ بواری شانۆی بووكه‌ڵه‌دا چالاكی هه‌بوو، ده‌رهێنه‌ری چه‌ندین شانۆی به‌نێوبانگی بووكه‌ڵه‌ بووه‌ و یه‌ك له‌وانه‌ له‌ناو خه‌ڵكدا ناسراوترینبوو و به‌ناوی "پاڵه‌وان په‌مبه‌" .

ته‌رمی هونه‌رمه‌ندی كۆچكردوو سه‌رله‌به‌یانی ئه‌مڕۆ له‌ به‌شی هونه‌رمه‌ندانی گۆڕستانی به‌هه‌شتی محه‌مه‌دی سنه‌ به‌خاك سپێردار.

گوڵزار له‌ ساڵی 2017 سكرتێری ئه‌نجوومه‌نی نێوده‌وڵه‌تیی شانۆكارانی بووكه‌ڵه‌ی ئێران بوو، هه‌روه‌ها به‌ سكرتێری 18ـیه‌مین فیستیڤاڵی نێوده‌وڵه‌تیی شانۆی بووكه‌ڵه‌ی ئێران هه‌ڵبژێردرابوو

 شایانی باسه‌ به‌ هۆی ئه‌و ڕێوشوێنانه‌ی بۆ پێشگرتن له‌ ته‌شه‌نه‌سه‌ندنی ڤایرۆسی كڕۆنا گیراوه‌ته‌ به‌ر، هیچ جۆره‌ ڕێوڕه‌سم و پرسه‌یه‌ك بۆ هونه‌رمه‌ند به‌رێوه‌ ناچێت.

Ktv

بابه‌ته‌ پەیوەندیداره‌كان

نوێترین ڤیدیۆ

COVID-19
تووشبوون
1,298,822
گیانله‌ده‌ستدان
71,322
چاکبوونەوە
272,837
تووشبووان
277
گیانله‌ده‌ستدان
3
چاکبوونەوە
89
تووشبووان
1,030
گیانله‌ده‌ستدان
64
چاکبوونەوە
344