چی ده‌كه‌یت له‌كاتی ته‌قینی تایه‌ی ئۆتۆمبێله‌كه‌ت به‌شێوه‌یه‌كی له‌ناكاو؟

هه‌ندێ‌ ڕێوشوێنی سه‌ره‌كی هه‌یه‌ كه‌ پێویسته‌ بگیرێته‌ به‌ر

ته‌قینی تایه‌ی ئۆتۆمبێل به‌تایبه‌ت بۆ ئۆتۆمبێلێك به‌خێرایی زیاد له‌ پێویست بڕوات به‌ یه‌كێك له‌ مه‌ترسییه‌ گه‌وره‌كان داده‌نرێت كه‌ شۆفێر ڕووبه‌ڕووی ده‌بێته‌وه‌، بۆیه‌ ده‌بێت له‌گه‌ڵ جۆره‌ روداوێكی له‌و جۆره‌دا به‌ دانایی و ئاگایی ڕه‌فتار بكرێت.

هه‌ندێ‌ ڕێوشوێنی سه‌ره‌كی هه‌یه‌ كه‌ پێویسته‌ بگیرێته‌به‌ر له‌كاتی ته‌قینی تایه‌ی ئۆتۆمبێلدا؟

- له‌سه‌ر شۆفێر پێویسته‌ به‌توندی سوكان بگرێت و به‌ هه‌ردوو ده‌ست سوكان بكرێت، چونكه‌ له‌حاڵه‌تی له‌و شێوه‌یه‌دا سوكان به‌لای ڕاست و به‌لای چه‌پدا ده‌سورێت به‌هێزێكی زۆر.

- هه‌وڵ مه‌ده‌ كه‌ به‌خێرایی كۆنترۆڵی ئۆتۆمبێله‌كه‌ت بكه‌یت و بوه‌ستیت چونكه‌ كاردانه‌وه‌ له‌ ئۆتۆمبێله‌كه‌دا دروست ده‌كات و ده‌بێته‌ هۆی وه‌رگه‌ڕانی ئۆتۆمبێله‌كه‌.

- هه‌وڵبده‌ ورده‌ ورده‌ خێراییه‌كه‌ت كه‌م بكه‌یته‌وه‌ به‌به‌كارهێنانی ئیستۆپ و برێك.

- هه‌رگیز نزیك مه‌به‌ره‌وه‌ له‌ قه‌راغی شه‌قامه‌كه‌.

- له‌سه‌ر شه‌قامی سه‌ره‌كی لامه‌ده‌ره‌ سه‌ر خۆڵه‌كه‌ چونكه‌ ده‌بێته‌ هۆی له‌ده‌ستدانی كۆنترۆڵ و وه‌رگه‌ڕان.

Traffic FM