گرته‌ی ڤیدیۆیی ساتی هێرشی تیرۆریستانی داعش بۆ سه‌ر گوندی چه‌خماخه‌ی رۆژئاوای كه‌ركووك بڵاوكرایه‌وه‌

چوار هاووڵاتی شه‌هیدبوون و سیێ دیكه‌ش برینداربوون

شه‌وی رابردوو تیرۆریستانی داعش هێرشیان كرده‌ سه‌ر گوندی چه‌خماخه‌ی سه‌ر به‌ قه‌زای دوبزی رۆژئاوای كه‌ركووك. 

له‌ گرته‌یه‌كی ڤیدیۆییدا ده‌رده‌كه‌وێت كه‌ چه‌كدارێكی ئه‌و رێكخراوه‌ تیرۆریستییه‌ هێرش ده‌كاته‌ سه‌ر ماڵێك و له‌ په‌نجه‌ره‌وه‌ ده‌سترێژی گوللـه‌ له‌ ئه‌ندامانی خێزانه‌كه‌ ده‌كات. 

له‌ هێرشه‌كه‌ی شه‌وی رابردووی گوندی چه‌خماخه‌ چوار هاووڵاتی شه‌هیدبوون و سیێ دیكه‌ش برینداربوون، دوای گه‌یشتنی هێزه‌ ئه‌منییه‌كانیش تیرۆریسته‌كان به‌ ئاڕاسته‌ی حه‌ویجه‌ هه‌ڵاتوون و خۆیان حه‌شار داوه‌.