بڕیاره‌ رۆژی یه‌كشه‌ممه‌ كابینه‌ی نوێی حكوومه‌تی عێراق رابگه‌یه‌ندرێت

عه‌للاوی بۆ ده‌نگدان به‌ كابینه‌كه‌ داوای دانیشتنی نائاسایی له‌ په‌رله‌مان كردووه‌

وا چاوه‌ڕوان ده‌كرێت راسپێردراو بۆ پۆستی سه‌رۆكوه‌زیرانی عێراق، محه‌مه‌د تۆفیق عه‌للاوی رۆژی یه‌كشه‌ممه‌ كابینه‌ی نوێی حكوومه‌ت رابگه‌یه‌نێت.

محه‌مه‌د تۆفیق عه‌للاوی، راسپێردراو بۆ پۆستی سه‌رۆكوه‌زیرانی عێراق، رۆژی یه‌كشه‌ممه‌ كابینه‌ی نوێی حكوومه‌ته‌كه‌ی راده‌گه‌یه‌نێت.

محه‌مه‌د خالیدی، په‌رله‌مانتاری توركمان له‌ گرووپی كاركردنی عه‌للاوی، له‌ لێدوانێكیدا بۆ رۆژنامه‌نووسان ئه‌وه‌ی ئاشكرا كرد كه‌ كابینه‌ی حكوومه‌ته‌كه‌ی عه‌للاوی پێكهێندراوه‌ و رۆژی یه‌كشه‌ممه‌ ئاشكرا ده‌كرێت.

خالیدی باسی له‌وه‌ش كرد كه‌ عه‌للاوی بۆ ده‌نگدان به‌ كابینه‌كه‌ داوای دانیشتنی نائاسایی له‌ په‌رله‌مان كردووه‌.