وەزارەتی بازرگانی حکومەتی هەرێم کوردستان ئاگاداری هاووڵاتیان دەکاتەوە کە ئەوانەی دەیانەوێت سودمەند بن لە وەرگرتنی چیمەنتۆ بۆ دروستکردنی خانوو، دەتوانن مامەڵەی یاسایی دەستپێبکەن. لەوبارەیەوە سەردار قوربانی، بەڕێوەبەری ڕاگەیاندن و پەیوەندییەکانی وەزارەتی بازرگانی و پیشەسازی حکومەت هەرێم بە كوردستان تیڤی راگەیاند: وەزارەتی بازرگانی بەفەرمی ڕێنمایی نوێی بۆ ساڵی دووهه‌زار و بیست دەرکردووە کە تایبەتە بە پێدانی بەشە چیمەنتۆ بۆ ئەو هاووڵاتیانەی کە دەیانەوێت خانوو دروست بکەن بەپێی چەند مەرجێک. دەشڵێت: "وەزارەت هەندێک مەرجی هەیە لەوانە هاووڵاتی خانووه‌كه‌ بەناوی خۆیه‌وه‌ بێت و پێشتر سودمەند نەبووبێت، تەنیا یەک جاریش دەتوانن سودمەندبن و په‌نجا تەن چیمەنتۆی پێده‌درێت و بۆ هەر تەنێک بڕی چل و پێنج هەزار دیناری عێراقی لێوه‌رده‌گیرێت و بۆ کۆمپانیاکانیش ته‌نی به‌ په‌نجا و پێنج هەزار دیناری عێراقیە.