وەزارەتی بەرگریی تورکیا: ئه‌مرۆ زیاتر له‌ 100 سه‌ربازی سووریامان كوشتووه

توركیا ده‌ستی به‌ هێرشێكی به‌رفراوان بۆ سه‌ر سوپای سووریا كرد


ئه‌مرۆ دووشه‌ممه‌ وەزارەتی بەرگریی تورکیا رایگەیاند" 115 پێگەی سوپای رژێمى سووریامان کردوونەتە ئامانج و بەهۆیەوە 101 سەربازی رژێممان کوشتووه‌. 
 
نیوەڕۆی ئەمڕۆ وەزارەتی بەرگریی تورکیا رایگەیاند، بەهۆی بۆردوومانێکی سوپای سووریا بۆ سەر پێگەیەکی سوپای تورکیا لە ئیدلب، پێنج سەربازیان کوژراوە و پێنج سەربازی دیکەشیان برینداربوون. 

وەزارەتی بەرگری توركیا رایگەیاند" بۆردومانكردنی سوپای سووریا لە وەڵامی كوژرانی پێنج سەربازی هێزەكانیاندا دێت و ئه‌مڕۆ 115 پێگەی سوپای سووریایان بۆردومان كردووه‌ و زیاتر له‌ 100 سه‌ربازی سووریایان كوشتووه‌.

وەزارەتى بەرگریى توركیا ئاماژەی بەوەشکردووە، لە وەڵامدانەوەی هێرشەکانیاندا سێ تانك و شوێنى دوو تۆپهاوێژیان تێکداوە و بەگوێرەی زانیارییەکان هێلیکۆپتەرێکیش خراوەتە خوارەوە.