حەشدی شەعبی: باڵیۆزخانەو نێردە دیپلۆماسییەکان ناکه‌ینه‌ ئامانج

حەشدی شەعبی ڕه‌تى ده‌كاته‌وه‌ بالیۆزخانه‌ى ئه‌مریكاى مووشەکباران كردبێت


سەرکردەیەکی میلیشیاکانی حەشدی شەعبی پەیامێک بڵاو دەکاتەوە و خۆیان لە مووشەکبارانکردنی باڵوێزخانەی ئەو وڵاتە لە بەغدا بێبەری دەکات.

جەواد تەڵیباوی، سەرکردەی میلیشیای عەسایب ئەهلی حەق لە هەژماری تایبەتیی خۆی لە تۆڕی کۆمەڵایەتیی (تویتەر)، رایگەیاندووە، حەشدی شەعبی لەمێژە دەستبەرداری ئەو مووشەکانەی ئاراستەی باڵوێزخانەی ئەمریکا کران، بووە.

جەواد تەڵیباوی رەتی کردووەتەوە ئەوان لە پشت مووشەکبارانکردنی باڵوێزخانەی ئەمریکا بن و رایگەیاندووە، ”جارێکی دیکەش رایدەگەیەنین، حەشدی شەعبی باڵوێزخانە و نێردە دیپلۆماسییەکان ناکاتە ئامانج“.

ئێوارەی رۆژی یەکشەممە 26-1-2020، پێنج مووشەک ئاراستەی ناوچەی سەوزی بەغدا کران، کە سێ مووشەکیان لە سنووری باڵوێزخانەی ئەمریکا کەوتنە خوارەوە و باس لە برینداربوونی کەسێکیش بەو هۆیەوە، دەکرێت.