به‌ڤیدیۆ .. روحانی به‌ر له‌خامه‌نه‌یی كۆتایی به‌ نوێژی هه‌ینی هێنا

پرسیارێكی زۆر لای خه‌ڵكی دروست كردووه‌

به‌گوێره‌ی گرته‌ ڤیدیۆیه‌ك، حه‌سه‌ن روحانی، سه‌رۆكی ئێران، به‌ر له‌عه‌لی خامه‌نه‌یی رابه‌ری باڵا، كۆتایی به‌ نوێژی هه‌ینی ده‌هێنێ و ئه‌مه‌ش پرسیارێكی زۆر لای خه‌ڵكی دروست كردووه‌و پێیان وایه‌ كه‌ناكۆكییه‌كی توند له‌نێوان هه‌ردوو كه‌سایه‌تییه‌ باڵاكه‌ی ئێران دا هه‌یه‌.

له‌مباره‌یه‌وه‌ محه‌مه‌د مه‌جید ئه‌هوازی تویتێكی كردووه‌و ده‌ڵێت: خامه‌نه‌یی رۆژی هه‌ینی باسی له‌ژماره‌یه‌ك دۆسییه‌ كردو به‌دیاریش كه‌وت كه‌ ناكۆكییه‌كی به‌هێز له‌نێوان ئه‌و و روحانی دا هه‌یه‌، چونكه‌ روحانی به‌ر له‌وه‌ی خامه‌نه‌یی كۆتایی به‌نوێژه‌كه‌ی بێنێ، نوێژی هه‌ینی به‌جێهشت ، ئه‌مه‌ش وایكرد كه‌ روحانی له‌لایه‌ن ده‌زگا راگه‌یاندنه‌ نزیكه‌كانی خامه‌نه‌یی رووبه‌رووی هێرشێكی توند ببێته‌وه‌.

شایانی باسه‌ خامه‌نه‌یی له‌میانه‌ی ووتاری نوێژی هه‌ینیدا به‌ زمانی عه‌ره‌بی قسه‌ی كردو باسی له‌په‌یوه‌ندییه‌كانی نێوان عێراق و ئێران كرد، هه‌ندێك له‌ چاودێرانیش پێیان وایه‌ كه‌ ئه‌م كاره‌ی روحانی ، بۆ ئه‌وه‌یه‌ كه‌ كار بكاته‌ سه‌ر رای گشتی عێراقی كه‌ له‌كاتێكدا له‌و وڵاته‌ خۆپیشاندان دژی ئه‌مریكاو ئێران به‌رێوه‌ده‌چێت.

وه‌رگێڕان و داڕشتنه‌وه‌ی / رزگار

سه‌رچاوه‌ / سی ئێن ئێن