زیاتر لە 16 تۆن دۆشاوی تەماتە گەڕێندرایەوە وڵاتی ئێران

لە پشكنینی فیزیایی تاقیگەدا دەرنەچوو


پێشنیوەڕۆی ئەمڕۆ سێشەممە بەهۆی دەرنەچوونی لە تاقیگە، زیاتر لە 16 تۆن، دۆشاوی تەماتە لە سنووری نێودەوڵەتی حاجی ئۆمەران گەڕێندرایەوە وڵاتی ئێران و ڕێگری لێکرا ڕەوانەی هەرێمی کوردستان بکرێت.

ڕاگەیاندن و پەیوەندییەکانی کۆمەڵگای دەروازەی نێودەوڵەتی حاجی ئۆمەران ڕایگەیاند: ئەمڕۆ 2020/1/14 هه‌ڵساین به‌ گەڕانەوەی یەک بار لە دۆشاوی تەماتە بە بڕی 16 تۆن و 220 کیلۆگرام، لە لایەن بنکەی کۆنتڕۆڵی جۆری حاجی ئۆمەران و هۆبەی نمونەی خۆراک پشکنینی بۆی ئەنجام درا، بەڵام لە پشكنینی فیزیایی تاقیگەدا دەرنەچوو، بۆیە بە مەبەستی سەلامەتی تەندروستی هاووڵاتییان لەلایەن لێژنەی هاوبەشی کۆمەڵگا دۆشاوی تەماتەکە گەڕێندرایەوە بۆ وڵاتی ئێران.

 

1

 

1

 

 

كه‌ریم سمكۆ