داقوق .. چه‌كدارانی داعش هێرشیان كرده‌ سه‌ر 2 گووندی كاكه‌ییه‌كان

خه‌ڵكی ئه‌و دوو گووندانه‌ خۆیان رووبه‌رووی چه‌كدارانی داعش بوونه‌ته‌وه‌

شه‌وی رابردوو چه‌كدارانی داعش له‌ سنووری شارۆچكه‌ی داقوق هێرشیان كرده‌ سه‌ر دوو گووندی كاكه‌ییه‌كان و له‌ ئه‌نجامدا دوو پۆلیسی عێراقی برینداربوون. 

په‌یامنێری كوردستان تیڤی رایگه‌یاند: شه‌وی رابردوو چه‌كدارنی داعش هه‌ڵیان كووتاوه‌ته‌ سه‌ر هه‌ردوو گووندی تۆپزاوه‌ و ته‌ل رابعیه‌ كه‌ دانیشتوانه‌كه‌ی كوردانی كاكه‌یین و خه‌ڵكی ئه‌و دوو گووندانه‌ خۆیان رووبه‌رووی چه‌كدارانی داعش بوونه‌ته‌وه‌. 

ئه‌مه‌و دواتر هێزه‌كانی پۆلیسی فیدراڵی گه‌یشتونه‌ته‌ شوێنه‌كه‌ و رووبەڕووبوونەوە لە نێوان داعش و پۆلیسی فیدڕاڵی عێراق دروستبووە. 

ئه‌وه‌ش زانراوه ‌كه‌ له‌و ڕووبه‌ڕووبوونه‌وه‌یه‌دا دوو پۆلیسی فیدڕاڵی عێراق برینداربوون و زیانەكانی دیكەش نەزاندراون. 

له‌ دوای رووداوه‌كانی 16ی ئۆكتۆبه‌ر تا ئێستا دۆخی ئەمنی شارۆچكەكە ناجێگیر و تیرۆریستانی داعش بەردەوام هێرش دەكەنە سەر هاووڵاتییان و هێزە ئەمنییەكانی عێراقیش ناتوانن ئاسایشی خه‌ڵك و ناوچه‌كه‌ بپارێزن.