نرخی ئەمپێری مۆلیدە ئەهلییەكان بۆ مانگی 11 دیاریكرا

خشتەی پێدانی كارەبای مۆلیدە لە مانگی (12) كانونی یەكەم، بەم جۆرە دەبێت


 له‌راگه‌یاندراوێكدا قایمقامیه‌تى قه‌زای ناوه‌ندی سلێمانى بڵاوی كردووه‌ كه‌ نرخی هەر ئەمپێرێكی كارەبای مۆلیدە ئەهلییەكان بۆ مانگی یانزە (7بۆ 8) حەوت بۆ هەشت هەزار دینار دەبێت، خشتەی پێدانی كارەبای مۆلیدەكانیش لە سنوری پارێزگای سلێمانی بۆ مانگی دوانزە گۆڕانگاری تێدا كرا.


راشیده‌گه‌یه‌نن ، نرخی كاتژمێرێك ئەمپێری مۆلیدەی ئەهلی لە سنوری سلێمانی بۆ مانگی (11)تشرینی دووەم بە (38.75) دینار و حەوتسەد‌و پەنجا فلس دیاریكرا و موەلیدەكانیش بەتێكڕایی لەنێوان (180) بۆ (205) كاتژمێر كاریان كردووە، بەوەش نرخی یەك ئەمپێر كارەبا لە نێوان (7) هەزار بۆ (8) هەزار دینار دەبێت.

قایمقامیه‌تی قه‌زای ناوه‌ندی سلێمانى ئاماژه‌ به‌وه‌ش ده‌كات كه‌ ، خشتەی پێدانی كارەبای مۆلیدە لە مانگی (12) كانونی یەكەم، بەم جۆرە دەبێت: لە كاتژمێر (6:30) شەش‌و نیو بۆ (8)ی بەیانی و لە كاتژمێر (12)ی نیوەڕۆ بۆ (1)ی شەو  كاردەكەن, لە رۆژانی هەنیشدا 
بەیانیان ئیشی پێناكرێت و لە بەرامبەردا لە كاتژمێر (11)ی پێشنیوەڕۆوە ئیش بە مۆلیدەكان دەكرێت، لەو كاتانەدا لەكاتی بڕینی كارەبای نیشتیمانیدا مۆلیدە ئەهلییەكان لە ماوەی (10) خولەكدا كاریان پێدەكرێت، بەپێچەوانەوە، سەرپێچیكار رووبەرووی یاسا دەكرێتەوە.

 له‌كۆتادا رایده‌گه‌یه‌نن ، بەمەبەستی دیاریكردنی نرخی كارەبای مرلیدە ئەهلییەكان ئەمڕۆ دوو شەممە 2019.12.2 ئاوات محەمەد، قائیمقامی سلێمانی لە دیوانی قائیمقامیەتی سلێمانی لەگەڵ نوێنەری بەڕێوەبەرایەتییەكانی دابەشكردنی كارەبا، ئاسایشی ئابووری، چاودێری بازرگانی و لیژنەی  مۆلیدە ئەهلییەكانی سەربەلیژنە هاوبەشەكانی قائیمقامیەتی سلێمانی كۆبووەوە.


دارشتنه‌وه‌ى هه‌واڵ - شوان عه‌زیز