پارێزگاری هەولێرعەلوەی نوێی هاوچەرخی هەولێری بەسەر کردەووە، دەست خۆشی لە بەرێوەبەر و سەرپەرشتیارانی پڕۆژەکە کرد کە بەشێوەیەکی سەردەمیانە و هاوچەرخانە کارەکانیان ڕێکخستووە.

د.فرسەت سۆفی پارێزگاری هەولێر بەیاوەری قایمقامی ناوەندی هەولێر، عەلوەی نوێی هاوچەرخی هەولێری بەسەر کردەووە و لەلایەن دەستەی بەرێوەبەر و سەرپەرشتیارانیەوە پێشوازی لێکرا.

عەلوەی نوێی هاوچەرخی هەولێر لە سەر ڕێگای هەولێر- گوێڕ بەشێوازێکی نوێ و سەردەمیانە لەسەر ڕووبەری پتر لە 400 دۆنم زەوی دروستکراوە و لە 60% کارەکانی تەواوکراوە، پارێزگاری هەولێر لەمیانەی سەردانەکەیدا کۆگاکانی عەلوەکەی بەسەر کردەوە و دەست خۆشی لە بەرێوەبەر و سەرپەرشتیارانی پڕۆژەکە کرد کە بەشێوەیەکی سەردەمیانە و هاوچەرخانە کارەکانیان ڕێکخستووە.