ئه‌مڕۆ هه‌ینى له‌ به‌غدا 4 خۆپیشانده‌ر كوژران و 40ى تریش برینداربوون

تا ئێستا 300 كه‌س كوژراون و 15 هه‌زاری دیكه‌ش برینداربوون

له‌ خۆپیشاندانه‌كانی ئه‌مڕۆ هه‌ینى له به‌غدا هێزه‌ ئه‌منییه‌كانی عیراق به‌ گولـله‌ بڵاوه‌یان به‌ خۆپیشانده‌ران كرد و 4 خۆپیشانده‌ر كوژران.

ئاژانسی هه‌واڵی رۆیته‌رز بڵاویكرده‌وه‌" ئه‌مڕۆ هه‌ینی، هێزه‌ ئه‌منییه‌كانی عیراق ته‌قه‌یان له‌ خۆپیشانده‌ران كرد و 4 كه‌سیان كوشت و 40 خۆپیشانده‌ریان بریندار كرد.

به‌وته‌ی سه‌رچاوه‌كانی پۆلیسی عیراق و سەرچاوەیەک لە نێو تیمە تەندروستیەکانەوە ئاشکراى کرد کە قوربانییەکان لە ئەنجامى بەکارهێنانى گازى فرنێسکڕێژ و فیشەکى راستەقینەوە پێکراون و بەهۆیانەوە چوار کەس کوژراون لە نێوان هەردوو پردى ئەحرار و سەنک لە ناوەندى بەغداى پایتەخت.

له‌ سه‌ره‌تای خۆپیشاندانه‌كانی عیراقه‌وه‌ كه‌ له‌ سه‌ره‌تای مانگی رابردوو ده‌ستی پێكرد، زیاترله‌ 300 كه‌س كوژراون و 15 هه‌زاری دیكه‌ش برینداربوون.