یونیسێف: منداڵانی عێراق لە خۆپێشاندانەكاندا ڕووبەڕووی كوشتن و توندوتیژی كراونەتەوە

له‌ ڕۆژی جیهانی منداڵان هیچ ئاهەنگێك لە عێراق ساز ناكرێت

ئەمڕۆ چوارشەممە، ڕێكخراوی یونیسێف بەیاننامەیەكی بڵاو كردەوەو رایگەیاند" بە هۆی ئەوەی منداڵانی عێراق لە خۆپێشاندانەكانی ئەم دواییەدا ڕووبەڕووی كوشتن و توندوتیژی كراونەتەوە، بۆیه‌ بە بۆنەی ڕۆژی جیهانی منداڵانەوە هیچ ئاهەنگێك لە عێراق ناگێڕین.

یونیسێف ئاماژەی بەوە داوە كە ئەمڕۆ 30 ساڵ بەسەر راگەیاندنی ڕێككەوتنامەی مافی منداڵاندا تێدەپەڕێ و لە جیهاندا بەم بۆنەیەوە ئاهەنگ بۆ منداڵان دەگێڕن، چونكە لە سایەی ئەم ڕێككەوتنە تەواوی مافەكانی منداڵانی جیهان دەستەبەر كران، بەڵام لە عێراقدا بە هۆی برینداركردن و كوشتنی منداڵانەوە لە خۆپێشاندانەكانی ناڕەزایی خەڵكدا، هەموو ئەو چالاكیانەمان هەڵوەشاندەوە كە لە سەرەتای ئەمساڵەوە بەرنامەڕێژیمان بۆ كردبوون.