سه‌رۆك بارزانی بۆ بنه‌ماڵه‌ی كۆچكردوو عه‌دنان پاچه‌چی: خۆم به‌ هاوبه‌شی خه‌متان ده‌زانم

سه‌ره‌خۆشی له‌ بنه‌ماڵه‌ی پاچه‌چی و ته‌واوی هاوڕێیانی كۆچكردوو ده‌كه‌م

سه‌رۆك بارزانی، به‌بۆنه‌ی كۆچی دوایی (عه‌دنان پاچه‌چی) سیاسه‌تمه‌داری ناسراوی عێراقی، پرسه‌ و سه‌ره‌خۆشی خۆی ئاراسته‌ی خانه‌واده‌كه‌ی ده‌كات.

ده‌قی پرسه‌نامه‌كه‌:

به‌ناوی خودای مه‌زن و دلۆڤان

به‌داخ و په‌ژاره‌یه‌كی زۆره‌وه‌ هه‌واڵی كۆچی دوایی دیپلۆماتكار و سیاسه‌تمه‌داری ناسراوی عێراقی، (عه‌دنان پاچه‌چی)مان پێگه‌یشت و خه‌مباری كردین.

له‌م بۆنه‌ خه‌مناكه‌دا سه‌ره‌خۆشی له‌ بنه‌ماڵه‌ی پاچه‌چی و ته‌واوی هاوڕێیانی كۆچكردوو ده‌كه‌م و خۆم به‌ هاوبه‌شی خه‌متان ده‌زانم.

‌له‌‌ خوای گه‌وره‌ ده‌پاڕێینه‌وه‌ بیخاته‌ به‌ر ڕه‌حمه‌تی خۆی و ئارامییش به‌هه‌موولایه‌ك ببه‌خشێت .

انا لله‌ وانا الیه‌ راجعون

مسعود بارزانی

١٨ـی ١١ـی ٢٠١٩