سبه‌ی نووسینگەی پاسپۆرت لە سۆران دەكرێتەوە

دەرهێنانی یەكەم پاسپۆرتیش بۆ كەسوكاری شەهیدێك دەبێت


سبه‌ی كاتژمێر 11 پێش نیوه‌رۆ نووسینگەی پاسپۆرتی سۆران دەكرێتەوە و دەرهێنانی یەكەم پاسپۆرتیش بۆ كەسوكاری شەهیدێك دەبێت.

بە ئامادەبوونی وەزیری ناوخۆ و پارێزگاری هەولێر و لێژنەیەك لە بەغدا، بە فەرمی نووسینگەی پاسپۆرتی سۆران  و قایمقامەكانی هەر چوار قەزای سۆران، چۆمان، رواندز و مێرگەسۆر نووسینگەی پاسپۆرتی سۆران دەكرێتەوە.

به‌ گوێره‌ی زانیارییه‌كانی كوردستان تیڤی لە سبه‌یه‌وه‌ ده‌ست به‌ ڕاییكردنى مامه‌ڵه‌ى هاووڵاتییان ده‌كرێت، لەمەودوا هاووڵاتییانی سۆران و ڕواندز و چۆمان و مێرگەسۆر دەتوانن زۆر بەئاسانی و بێ ئەوەی سەردانی هەولێر بكەن، له‌ سۆران پارسپۆرتەكانیان دەربێنن.